国际级钢琴艺术家Maksim 5月将在港演出，今日（9日）快闪又一城与乐迷见面，本身拥有演奏级琴技的江嘉敏亦有到场欣赏，不时睇到心心眼。江嘉敏接受访问时，坦言近年因工作关系而极少练琴，问到对会玩乐器的男子是否特别加分，她说：“最近识咗个男仔话自己小提琴好犀利，因为真系遇过太多男仔话自己识啲咩乐器，佢话要同我jam，哇，我真系要拍手掌，佢无讲大话，我当然无话畀佢听加咗分，但我打从心底欣赏。（有发展空间？）而家仲系朋友，因为会多咗话题。”
睇到心心眼。（邝钰莹摄）
离巢后首次出席公开活动，问到感觉如何，江嘉敏表示最开心是从未接过与钢琴有关的工作，加上今日有Maksim，所以十分满足。不过江嘉敏亦指过去9年被公司照顾得太好，每次只需企个人出嚟，但今后的工作需要自己接冾，辛苦但享受，她说：“都有朋友劝我专注做嘢，揾人帮手倾job，但揾公司都系后话，现阶段我想试多啲唔同可能性，我要识同知点做。”
江嘉敏无论事业或爱情都自由身，不是“小提琴男”似乎有啲机。（邝钰莹摄）
问到当初决定不续约时，旧东家有否挽留，江嘉敏表示：“当时我哋系约签约先嘅，倾咗好几次，到后来珍姐（TVB执行董事）同我倾约之外，倾咗好多人生有咩想要同将来条路点行，我又有同屋企人商量，所以先有呢个决定。（倾醒咗？）又唔好咁讲，因为每个阶段都有想要嘅嘢。”江嘉敏解释当初入TVB时目标是拍剧，因为TVB剧是陪著自己长大，亦感恩旧东家给予机会，但如今已30岁，除拍剧亦想拍戏、舞台剧，最近亦有学唱歌增值自己，问到担唔担心收入问题，江嘉敏表示目前比较着重机会，因为太多东西未试过，又透剧接下来的工作与音乐有关，笑言随时有机做2025乐坛新人。
江嘉敏离巢后首次出席公开活动。（邝钰莹摄）
