第12届微电影“创+作”支援计划（音乐篇）颁奖典礼，今日（20/3）于湾仔会展举行。由赖永昌执导，Rubber Band成员泥鯭主演的微电影《泥鯭的》勇夺四项大奖，分别有“最佳微电影制作大奖”、“最佳微电影男主角奖”、“最佳微电影编剧奖”及“最受欢迎微电影奖”成大赢家。
导演赖永昌接受《香港01》访问时表示：“我真系冇谂过会有咁好嘅成绩，而家我个脑都一片空白，不过有咁好嘅成绩总算对得住成个团队。点解我会揾泥鯭去演呢位的士司机，系因为本身我有一个搭泥鯭的嘅经历，系一早写咗喺度，加上呢个故事系讲泥鯭的，咁就梗系揾返阿泥鯭去演呢个角色就最适合。当时我都系写好晒个剧本，然后俾泥鯭去睇，睇吓佢钟唔钟意，最后佢都好钟意呢个角色，仲为咗呢套戏作咗首歌，真心好多谢佢。”
导演赖永昌和泥鯭手持奖项接受《香港01》访问。（梁碧玲摄）
泥鯭表示：“我都好开心攞到咁好嘅成绩，其实唔只系我一个人嘅功劳，喺全部人嘅功劳嚟。系大家嘅努力成果。不过我太太（黄心颖）佢应该唔知道我哋攞到咁多个奖。记得当时导演邀请我演出嘅时候，我太太系帮我一齐去睇剧本，甚至乎帮我对戏，而佢都好鼓励我去做自己想做嘅事，而其中有一个好重要嘅部份，有只歌系我自己作，亦系我自己演绎，咁呢个都系我第一次嘅尝试，咁所以好多太太嘅鼓励。（点解今日唔叫太太嚟见证你攞奖嘅时刻？）其实返屋企庆祝都得嘅。（太太会唔会俾惊喜你食饭？）我餐餐都同佢食，咁所有嘢都在心中。（同太太有冇计划生B?)呢个太远，暂时未有答案住，我谂做好自己工作先啦。（你话太远，其实自己有冇计划？）所有嘢顺其自然。”
泥鯭凭微电影《泥鯭的》夺得“最佳微电影男主角奖”。（梁碧玲摄）
