敖嘉年今晚（21/3）现身铜锣湾出席微电影《猛龙传之谁怕谁》首映礼。敖嘉年透露在电影中与邓月平饰演父女关系，二人初次合作甚有火花：“今次呢套电影嘅导演系我同学，记得喺上年嘅4月佢打俾我叫我帮手拍呢套电影，仲话今次系做邓月平嘅爸爸，听到呢个消息都好开心，因为我未曾试个做呢个角色之外，加上又可以同一大班年青人合作，感觉系好新鲜又好好玩，于是就一口就答应咗。（同女神邓月平合作如何？）佢为人好聪明，同埋佢就冇摆个女神样出嚟，反而系好爽朗同好好玩！”
敖嘉年大赞邓月平为人聪明爽朗。（梁碧玲摄）
敖嘉年续说：“因为呢套戏主要系讲一班失明人士，佢哋系好钟意跑步，咁所以当中不乏跑步场口，而我就要学领跑员咁样，拖住佢哋跑嘅时候，点样用手同埋用身体嘅微少动作传指示转左或转右跑，过程系要用身体嘅语言同佢哋沟通，当我知道咗之后，发觉原来做领跑员系好唔简单。”
敖嘉年和邓月平首次合作演父女关系。（梁碧玲摄）
