今年的贺岁档电影有三部，分别是《临时决斗》、《祥赌必赢》及《麻雀女王追男仔》，但整体票房都属于比较差。而昨日（4日）就有写开电影评论的社交平台发文踩今年的香港贺岁片，连张继聪都现身表示感受。
去年中便流出今年将没有贺岁片应市的传闻，然后经各方努力终凑拚出三部面世。（电影海报）
Facebook专页“港唔断戏”昨日发文表示：“今年嘅香港贺岁片，票房差系合理...... 我自己只系睇咗三套入面嘅0.7套，纯粹谂住应下节，但最后都要睇到我中途离场，真系差同尴尬到睇唔晒......新年流流都要人发火，唔尊重观众，观众最后都系会离弃你。”该专页的言论立即引起今年三部贺岁片的其中一个主演张继聪留意，他到该专页留言：“今次系我最后一次睇你嘅page ”。
疑不满版主只睇0.7套贺岁片就狂踩，张继聪留言表示：“今次系我最后一次睇你嘅page ”（Facebook）
张继聪随后再发文：“坦诚分享内心嘅睇法，希望大家明白。”张继聪于片中先向大家拜年，之后就讲到有关专页回复的事宜，他表示自己平时对这些都不太作回应，但今次想了一会，因为事件已经发酵，所以决定回应事件。他先指现今的电影工业正处于不理想的状态，之后就表示演员与影评人的关系是很重要的：“我觉得其实影评人好重要个原因系，其实我哋以前喺演艺学院读书嘅时候，都有需要去受训练点成为一个评论员，即系其中一个课题就系我哋要睇好多戏啊，要写报告啊，即系学下点拣点样去睇一套戏啊。所以我觉得影评嘅重要性就好似一个导游咁，有啲朋友未接触到部电影嘅本身，或者接触到个电影嘅一啲宣传嘅第一重，我哋系需要一啲影评人去导读，或者睇完一套戏之后去介绍下佢从咩角度切入去欣赏一套电影。”
张继聪随后再发文：“坦诚分享内心嘅睇法，希望大家明白。”(ig图片)
张继聪亦表示每个人都有自己的自由，不一定要一方面的赞，因为各有品味，而且是一件很主观的事情来。他用水果来比喻：“先撇除即系如果我做咗只蕉出嚟，你一开波你就好钟意苹果嘅，咁咁唔使讲啦，即系因为你系根本上系唔钟意蕉㗎嘛。咁但系如果你透过即系你可以解拆畀所有观众听下，呢个人做咗只蕉出嚟，佢点解做一只蕉出嚟，点解系咁样嘅呢，佢过程系咁样做㗎㖞，即系原来佢系佢选择咗咁样，我到最后只蕉系肥美啊定系有少少烂㖞。如果你讲到过程出嚟呢，我系最开心嘅，即系其实我有时我恨都恨睇到一啲咁样嘅一啲影评。”
张继聪亦表示每个人都有自己的自由，不一定要一方面的赞，因为各有品味。(ig@louischeung2013)
之后张继聪继续讲到他留意到该专页发文后，亦不少的观众都有一些比较负面的睇法：“即系好似全部戏都唔值得睇咁！”他指如果发文者真的支持香港电影，并非这样发文。他笑指有留意到现在有网民说他很“小气”，不接受批评：“其实呢十几廿年我接受嘅批评都已经系合理嘅无理嘅我谂都超乎常人㗎啦，咁所以我点会唔接受批评呢？我亦都觉得即系批评好重要，即系唔好讲批评啦，睇法好重要。有阵时我畀钱我都要去进修，我都要去学点样可以好啲，咁所以绝对唔系小气，绝对唔系唔接受批评啰。”
张继聪继续讲到他留意到该专页发文后，亦不少的观众都有一些比较负面的睇法。(ig@louischeung2013)
张继聪认为该专页其实可以有另外的做法，可以令到整件事会更好：“如果大家都系同一行，真系想呢行好啲嘅话呢，其实就可唔可以有另外一个方法去导读，因为每一个影评人你都有fans，你哋都真系有人会睇，一啲先入为主嘅睇法系真系会，人都系主观㗎嘛，即系咁都系会影响。”
张继聪认为该专页其实可以有另外的做法，可以令到整件事会更好。(ig@louischeung2013)
最后张继聪亦有分享今次为什么会有这个举动，因为他的朋友都觉得很意外：“我谂可能再多个原因就系，即系喺好多普罗大众嚟讲，其实呢一套只不过即系或者呢一轮我哋好努力去做，只不过系一套电影啰。但系喺我嘅眼中即系呢个系我哋嘅行业，真系唔系一套普通电影咁简单，我哋行业面对紧好严峻嘅一个情况。”张继聪指自己其非情绪勒索，更指认识他的人就知道他拍戏很认真，很认真对待自己的职业：“我做戏做咗，由我想做一个演员开始系17岁，我今年45岁，即系我做咗廿几三十年都。唔计我五岁开始做戏，越做得耐呢，你就会越有自己嘅睇法，我觉得作为一个表演嘅人，你一定要系有自己嘅睇法。一定会有好多人同你讲好多嘢，我又读书嘅时候，我已经同我自己讲，我要建立我自己嘅风格。”
最后张继聪亦有分享今次为什么会有这个举动，因为他的朋友都觉得很意外。(ig@louischeung2013)
最后张继聪表示“我唔睇个page啫”，大家可以继续看的，他不看港产片，大家还是可以继续看的，各有自由的。
最后张继聪表示“我唔睇个page啫”，大家可以继续看的。(ig@louischeung2013)
