现年41岁的沈震轩曾被无线（TVB）力捧，在剧集《使徒行者》中饰演Kobe更令他大受欢迎，而他在离巢后转攻内地市场，直至大前年11月宣布签约英皇娱乐重新出发。不过上月底（27日）有网民在threads发文，表示使用Uber叫车时，竟然发现司机就是沈震轩。沈震轩今日（1日）在IG上载了一段影片，亲身回应传闻！
沈震轩曾被无线力捧，在剧集《使徒行者》中饰演Kobe更令他大受欢迎。（IG图片）
沈震轩以“回应各位！多谢关心”为题，录制了一段长达2分钟的影片回应传闻：“Hello大家好，首先我想喺呢度回应，因为知道有好多人在网上讨论我或者见到我，我都唔知道会搞到咁多新闻出咗嚟，真系唔好意思，但我真系好感恩收到好多人嘅鼓励同埋支持。”他续指：“呢几年我最主要嘅工作系管理自己嘅健身房同埋我又开始做幕后嘅工作，就系一个剧本嘅创作，因为相对我以前净系做演员，我而家做紧嘅嘢系新嘅工作同埋新嘅挑战，讲真真系好大压力，所以我减压嘅方式就系我钟意揸车，咁我钟意揸车平时揸车嘅路线大部份都系净系返舖头健身房，有阵时就揸车去开工，阵时我就谂我咁钟意揸车，不如就登记埋个平台，有人帮你预设个路线，如果咁好彩可以撞到一啲粉丝或者唔同嘅乘客，可以同佢哋倾吓偈，一边又可以揸车一边又可以帮补吓啲隧道费，咁都几好！”
沈震轩回应转行揸Uber。（影片截图）
沈震轩指揸Uber为求减压，又可以见下粉丝及帮补隧道费。（影片截图）
沈震轩透露两年前投资七位数开健身房，并表示：“不过讲真嘅我之前用咗七位数去投资一间健身室，第一次做老板第一次创业投资一定好大，加上呢几年嘅经济真系麻麻地，的确好大压力，我成日喺度谂有咩可以做多啲帮到生意？可以做到啲乜嘢呢？真心我觉得做生意一定要需要时间。我哋嘅健身房仅仅可以做到收支平衡，但因为投资大，所以到而家都未回本，作为老板嘅我点样都好，我冇粮出，但系我哋嘅员工一定要准时出粮，我从来冇谂过放弃呢盘生意，我同大家一样都系为理想继续努力嘅人。”最后他亦勉励各位要保持身体健康，努力去解决问题。
沈震轩透露两年前投资七位数开健身房。（影片截图）
沈震轩拥有爆肌身形。（IG图片）
沈震轩透露做老板冇粮出。（影片截图）
