陈滢和王灏儿（JW）今日（25/2）现身旺角出席无线热播剧集《痞子无间道》宣传造势活动。王灏儿接受《香港01》访问时表示：“剧集播出咗街之后，好多人见到我都会话晚晚都有睇，仲话好搞笑会晚晚追，我听到呢啲说话我系好开心。自己睇返自己嘅演出，觉得比演第一辑系有进步，因为今次呢个角色好多变化，变咗系好好玩，连屋企人都话我有进步，演得唔错。”
陈滢和JW今日现身旺角出席无线热播剧集《痞子无间道》宣传造势活动。（吴子生摄）
现场大玩游戏好开心。（吴子生摄）
陈滢接著说：“我屋企人系无睇，因为佢哋喺温哥华，而我细佬佢系啲竹升仔嚟，佢剩系睇YouTube，而我家姐佢近来又比较忙，变咗又唔会睇电视，而我妈咪就唔知佢做咩，佢唔睇我啲嘢，变咗无人撑我。（会唔会游说妈咪睇？）我谂佢都可能会睇，但佢就无俾到意见我啰，暂时系未有。”对于剧集收视微跌，陈滢表示：“其实我哋做演员担心唔到咁多嘅。”王灏儿表示：“我哋只系尽可能喺拍嘅时候，摆多啲心思落去，到最后出到嚟点样剪，我哋系控制唔到嘅。”
收视微跌，陈滢表示担心唔到咁多。（吴子生摄）
JW觉得自己剧中演出比第一辑系有进步。（吴子生摄）
