陈佩思（Pancy）有份投资的餐厅今日元宵节（12日）开幕，林宝玉到场祝贺，透露二人早年曾一齐拍广告。陈佩思为造梦，飞泰国学法国菜，令厨艺有限公司的林宝玉十分羡慕。“我试过为讨好男友，连续七日每餐唔同菜式，但做完呢次就唔再做，因为佢之后系咁要求我煮，但我系睇食谱，所以唔再班门弄斧。”
林宝玉未有揾阿仪拜年。（梁碧玲摄）
林宝玉认为择偶条件一定要包含烹饪，但由于自己比较事业型，所以就算有情饮水饱都可以。情人节将至，单身的林宝玉大呻唏嘘，因为完全无人约，最后决定参加公司晚宴。“啲人唔系约我正日，有啲怪怪哋，佢哋解释系因为我正日多人约。（自己去争取？）最近有睇风水，师傅有话出多啲街，所以我先打去约人，结果得公司晚宴。”问到破冰后，新年有否揾阿仪（薛影仪）拜年，林宝玉即谓：“我哋结过冰咩？拜年真系无，唔知嚿冰点呢？可能仲喺雪柜。”
卢惠光与陈佩思相识多年。（梁碧玲摄）
淡出幕前的林国斌亦有到贺，他笑言近年忙于凑仔。（梁碧玲摄）
