周柏豪今日（10/2）现身香港电台广播大厦出席《香港电台乙已蛇年新春团拜》。讲到拜年，周柏豪接受《香港01》访问时表示：“今个新年暂时未去艺人朋友屋企拜年，因为近排都话流感都好严重，变咗稍后嘅时间都会去见佢哋，不过今个礼拜公司都会有团拜嘅，但我都会尽可能做足安全措施，例如会戴口罩，同埋都避免去人多嘅地方。”
周柏豪今日出席港台新春团拜活动。（叶志明摄）
讲到防疫意识，周柏豪就透露不及囝囝醒目：“其实佢哋学校都教得好好，佢哋洗手都会做得好足，同埋我系会俾个囝闹返我转头，就好似最近佢啱啱学校牙科保健，就教咗佢哋学正规刷牙嘅方法，点知有一日佢见到我刷牙嘅步骤同佢唔同，佢系喊晒口闹我‘唔系咁刷牙㗎’，然后我问佢点样刷，佢就示范俾我睇系点样刷。到最后我唯有跟返佢嘅步骤去做。小朋友比较单一啲，佢就会觉得佢样就系啱晒，咁所以我就唯有配合佢，就系咁我学识咗刷牙，原来咁多年嚟我系错嘅，哈哈！”
周柏豪大爆囝囝教识刷牙正确方法。（叶志明摄）
最近流感高峰期，周柏豪表示稍后时间才会去朋友家拜年。（叶志明摄）
