张崇德今日（30日）出席深水埔新春嘉年华活动，他接受访问时分享新年大计：“例如教唱歌，同埋开咗我嘅YouTube Channel讲吓音乐，希望将自己识嘅嘢30几年嘅经验同大家分享。”他续指即将会推出第八本书作，并表示：“系关于自传英文书，希望可以尽快完成已经去到校对嘅阶段。”谈及有关YouTube频道方面，他预告：“会拍娱乐圈呢30年嘅所见所闻，希望揾啲朋友一齐去倾吓作为回忆，或者背后嘅内情大家分享。”
张崇德今日（30日）出席深水埔新春嘉年华活动。（梁碧玲摄）
张崇德自爆初入行TVB人工得二千蚊
被问到会否鼓励儿女进军娱乐圈，他直言：“梗系唔好啦！尤其是系而家啦！以前都仲容易啲，多媒体发展同埋多咗网媒嘅出现，娱乐事业都已经唔系咁好做，唔系一定要做娱乐圈嘅嘢可以做其他嘢，我钟意唱歌可以继续做唱歌有关嘅工作。”提到向子女分享过担任曾志伟副导演工作，他表示：“其实过去嘅工作，我都有同佢哋讲嘅，好细个阵时候睇到我做演唱会做幕后，问我做歌手唔系净系唱歌嘅咩？点解成日都要做其他嘢？”至于初入行收入方面，他表示：“参加新秀之后签约TVB份工作，最低收入二千元一个月，系包薪金嘅艺员，阵时根本生活唔到，所以令到我好快去开始做幕后工作，幕后工作只要唔介意，唔好觉得系一件惨嘅事。”
张崇德儿子亦有出席。（梁碧玲摄）
张崇德透露今年即将推出英文自传书。（梁碧玲摄）
